103-ամյա կինը կենդանացել է հուղարկավորության ժամանակ

Հնդկաստանում հարազատները պատրաստվում էին տարեց ազգականի դիակիզմանը, երբ նա անսպասելիորեն կենդանացել է, հաղորդում է NDTV-ն։

Դեպքը տեղի է ունեցել Մահարաշտրա նահանգում երեքշաբթի՝ հունվարի 13-ին։ 103-ամյա Գանգաբայ Սաքարեն մահացած է համարվել, քանի որ դադարել էր շարժվել և շնչել։ Մերնարկել  նրա հուղարկավորության նախապատրաստական ​​աշխատանքները. հաջորդ օրը նրան հագցրել են նոր սպիտակ սարի, քթանցքերի մեջ բամբակ են դրել, իսկ վերջույթները՝ կապել՝ համաձայն ավանդույթի։ Սակայն շուտով «մահացածի» զարմիկը նկատել է, որ նա սկսել է շարժել ոտքերի մատները։

Երբ բամբակը հանվել է, 103-ամյա կինը «կենդանացել է» և խորը շունչ քաշել։ Սուգը վերածվել է տոնակատարության, քանի որ բոլորը հիշել են, որ «մահվան» օրը համընկնում է նրա ծննդյան օրվա հետ։ «Մի ակնթարթում վիշտը վերածվել է տոնակատարության։ Դագաղակառքը հետ են ուղարկել, իսկ սգո վրանը արագորեն ապամոնտաժվել է», - գրել է NDTV-ն։

Այժմ հարևանները Սահարային անվանում են «կենդանի հրաշք», և շրջակա գյուղերից մարդիկ հավաքվում են նրա տուն՝ տեսնելու նրան, ով «հարություն է առել» իր սեփական հուղարկավորության ժամանակ։