Ռոդրիգեսը քննադատել Է ԱՄՆ-ին և հանդես եկել կոչով․ CNN

Վենեսուելայի նախագահի պաշտոնակատար Դելսի Ռոդրիգեսը քննադատել է ԱՄՆ-ի քաղաքականությունը և հայտարարել երկրի ինքնիշխանությունը պաշտպանելու անհրաժեշտության մասին: Նրա խոսքերը փոխանցում է CNN News-ը։

«Ամբողջ Վենեսուելան սպառնալիքի տակ է, ուստի ես ազգային միասնության կոչ եմ անում, որպեսզի ինքնիշխանությունն առաջին տեղում դնելով՝ մենք դիվանագիտական պայքար մղենք», - ասել է նախագահի պաշտոնակատարը:

Մասնավորապես, Ռոդրիգեսը, նկարագրելով ԱՄՆ-ի գործողությունները, նշել է այնպիսի սահմանումներ, ինչպիսիք են «հանցավոր տնտեսական շրջափակումը, տնտեսական պատերազմը, ծովային շրջափակումը, որն ուղղված է էներգակիրներ արտահանող երկրի շրջապատմանը»:

Սակայն իր ելույթի ընթացքում նա ոչ մի անգամ ուղղակիորեն չի հիշատակել ԱՄՆ նախագահ Դոնալդ Թրամփին՝ սահմանափակվելով ընդհանրացված ձևակերպումներով։