Կրեմլը պարզաբանել է ԱՄՆ-ի և Եվրոպայի հետ երկխոսության հարցը

Ռուսաստանը ներկայումս երկխոսություն ունի Միացյալ Նահանգների հետ, սակայն Եվրոպայի հետ նման շփում չկա։ Այդ մասին հայտարարել է Կրեմլի պաշտոնական ներկայացուցիչ Դմիտրի Պեսկովը՝ РИА Новости-ին տված մեկնաբանության ընթացքում։

Պեսկովի խոսքով՝ Ուկրաինայում հակամարտության կարգավորումը հնարավոր չէ առանց եվրոպական անվտանգության հարցերի լայն և համապարփակ քննարկման։ Նա ընդգծել է, որ խնդիրը չի կարող լուծվել միայն առանձին ուղղություններով և պահանջում է ընդհանուր անվտանգության ճարտարապետության վերանայում Եվրոպայում։

Ավելի վաղ Ռուսաստանի նախագահ Վլադիմիր Պուտինը հայտարարել էր, որ Մոսկվան պատրաստ է վերականգնել հարաբերությունները եվրոպական երկրների հետ։ Նրա խոսքով՝ Ռուսաստանը հույս ունի, որ ժամանակի ընթացքում իրավիճակը կփոխվի, և կողմերը կվերադառնան կառուցողական շփումների՝ հաղորդում է РИА Новости-ն։