Ռուսաստանի նավահանգիստներում բեռնաշրջանառությունը կրկին նվազել է

2025 թվականի արդյունքներով Ռուսաստանի ծովային նավահանգիստների բեռնաշրջանառությունը նվազել է 0,4 տոկոսով՝ 2024 թվականի համեմատ և կազմել 884,5 միլիոն տոննա։ Այդ մասին տեղեկացնում է Ծովային առևտրային նավահանգիստների ասոցիացիայի պաշտոնական կայքը։

Տարվա ընթացքում բեռնաշրջանառության կրճատումը կազմել է շուրջ 1,5 միլիոն տոննա։ Նվազել են ինչպես չոր, այնպես էլ հեղուկ բեռների վերամշակման ծավալները․ չոր բեռների ցուցանիշը նվազել է 0,2 տոկոսով՝ հասնելով 441,7 միլիոն տոննայի, իսկ հեղուկ բեռներինը՝ 0,5 տոկոսով՝ մինչև 442,8 միլիոն տոննա։

Ասոցիացիայի տվյալներով՝ բեռնաշրջանառության անկում է արձանագրվել հիմնական բոլոր նավահանգստային ավազաններում՝ Արկտիկայում, Բալթիկայում, Ազով–Սևծովյան և Կասպիական ուղղություններում։ Բացառություն է կազմել միայն Հեռավորարևելյան ավազանը, որտեղ բեռնափոխադրումների ծավալն աճել է 6,6 տոկոսով՝ հասնելով 252,1 միլիոն տոննայի։ Վերլուծաբանները բացասական դինամիկայի հիմնական պատճառների թվում նշում են սպասվածից բարձր գնաճը, արևմտյան պատժամիջոցների ուժեղացումը և երկաթուղային փոխադրումների հետ կապված խնդիրները։