Կրեմլում հայտնել են՝ Պուտին-Փեզեշքիան զանգի մանրամասները

Ռուսաստանի նախագահ Վլադիմիր Պուտինը և Իրանի նախագահ Մասուդ Պեզեշքիանը հեռախոսազրույց են ունեցել: Այս մասին հայտնում է Կրեմլի մամուլի ծառայությունը։

«Հեռախոսազրույցի ընթացքում Իրանի Իսլամական Հանրապետության նախագահ Մասուդ Պեզեշքիանը Ռուսաստանի Դաշնության նախագահ Վլադիմիր Պուտինին տեղեկացրել է երկրում իրադրության կարգավորման ուղղությամբ իրանական ղեկավարության կողմից ձեռնարկվող ակտիվ ջանքերի մասին», - ասված է հաղորդագրության մեջ:

Կրեմլում հստակեցրել են, որ Ռուսաստանն ու Իրանը հանդես են գալիս ծագող խնդիրները բացառապես քաղաքական-դիվանագիտական միջոցներով լուծելու օգտին: