Արդյոք Ուկրաինան կանդամակցի ԵՄ-ին․ Reuters

Հաղորդագրություններն այն մասին, որ Բրյուսելը դիտարկում է Եվրամիությանն Ուկրաինայի անդամակցության պարզեցված ընթացակարգը հնարավոր խաղաղության համաձայնագրի շրջանակներում, շահարկումներ են:

Նման հայտարարությամբ հանդես է եկել Եվրահանձնաժողովի պաշտոնական ներկայացուցիչ Թոմա Ռենյեն, փոխանցում է Reuters-ը։

«ԵՄ-ին անդամակցելու գործընթացը լավ հաստատված է, մենք ունենք հստակ ընթացակարգեր։ Ուստի մենք չենք մեկնաբանի այն շահարկումները, որոնք այսօր հայտնվել են լրատվամիջոցներում։ Այն, ինչ կարող ենք ասել և հիշեցնել, այն է, որ միավորման ընդլայնումն առանցքային առաջնահերթություն է այս հանձնաժողովի համար», - նշել է ներկայացուցիչը։