Գողը ներխուժել է ընկերության գրասենյակ՝ հանուն ուտելիքի և թողել ներողություններով նամակ

Նոր Զելանդիայում տղամարդ ներխուժելը է գրասենյակային շենք՝ հանուն սննդի։ Այս մասին հայտնել է Stuff-ը։

Դեկտեմբերի 17-ին Քրայսթչըրչ քաղաքում ընկերության գրասենյակ մտած գողը որևէ արժեքավոր սարքավորում չի գողացել։ Դրա փոխարեն նա սեղաններից սնունդ է վերցրել, իսկ խոհանոցից՝ Սուրբ Ծննդյան զամբյուղներ։ Նա նաև նամակ է թողել, որում ներողություն՝ խնդրել իր արարքի համար։

«Խնդրում եմ ընդունեք իմ ներողությունները։ Ցուրտ էր, ես թրջված էի և քաղցած։ Ես արդեն մեկ տարի է, ինչ աշխատանք եմ փնտրում։ Հիմա եկամուտ չունեմ»,– ասված է եղել նամակում։

Դեյվ անունով աշխատակիցն ասել է, որ ինքը և իր գործընկերները միջադեպը համարել են ավելի շատ տխուր, քան զարհուրելի։ «Մենք բոլորս կարծում էինք, որ դա բավականին տխուր էր։ Նա ազնիվ գող է եղել։ Պարզապես ուտելիք է ցանկացել։ Նա, հավանաբար, հուսահատված է եղել, քանի որ վերցրել է միայն կես տուփ կրեկեր, երկու փոքր տուփ պահածոյացված ձուկ և մի քանի արագ պատրաստվող լապշա», - պատմել է նա։

Ոստիկանությունը վնասը գնահատել է 700 նորզելանդական դոլար և փակել է գործը՝ հետքերի բացակայության պատճառով։ Մի քանի օր անց ինչ-որ մեկը կրկին ներխուժել է գրասենյակ։ Ենթադրաբար, դա նույն մարդն է եղել, բայց այս անգամ նա գողացել է միայն սառեցված հավ։