Ռոստովում զգուշացնում են՝ ԱԹՍ հարվածից վնասված բազմաբնակարան շենքը կարող է փլուզվել

Ռոստով-Դոնուում հնարավոր է բազմաբնակարան շենքի մուտքի մասնակի փլուզում․ շենքը հունվարի 14-ին լուրջ վնասվել էր Ուկրաինայի զինված ուժերի անօդաչու թռչող սարքերի հարձակման հետևանքով։ Վտանգի մասին հայտնել է քաղաքի Սովետսկի շրջանի վարչակազմի ղեկավար Նիկիտա Պարեմուզովը՝ Telegram-ում տարածված հայտարարությամբ։

Նրա խոսքով՝ վնասված շենքի բնակարանների մուտքերը փակ են։ Մասնագետները ներկայում աշխատում են կրող պատերի ամրացման վրա, և միայն այդ աշխատանքների ավարտից հետո հնարավոր կլինի քննարկել բնակիչների կողմից փաստաթղթերի և առաջնահերթ անհրաժեշտ իրերի դուրս բերումը։

Պարեմուզովը հավելել է, որ քաղաքային իշխանությունները միջոցներ են ձեռնարկում՝ հնարավոր թալանը կանխելու համար։ Ավելի վաղ ռազմական թղթակից Եվգենի Պոդդուբնին հայտնել էր Ռոստովի վրա իրականացված անօդաչու թռչող սարքերի զանգվածային հարձակման մասին։