Քարնին Թրամփի` Գրենլանդիայի ծրագրերի ֆոնին, աջակցություն է հայտնել ՆԱՏՕ-ի 5-րդ հոդվածին

ԱՄՆ նախագահ Դոնալդ Թրամփի՝ Գրենլանդիան բռնագրավելու սպառնալիքների ֆոնին, Կանադայի վարչապետ Մարկ Քարնին հիշեցրել է ՆԱՏՕ-ի 5-րդ հոդվածը, որը նախատեսում է կոլեկտիվ պաշտպանություն Հյուսիսատլանտյան դաշինքի անդամներից մեկի վրա հարձակման դեպքում, հաղորդում է ՌԻԱ Նովոստին։

«Մենք Դանիայի հետ ՆԱՏՕ-ի գործընկերներ ենք, և մեր լիարժեք գործընկերությունը մնում է ուժի մեջ։ Հյուսիսատլանտյան պայմանագրի 5-րդ և 2-րդ հոդվածներով մեր պարտավորությունները մնում են ուժի մեջ, և մենք լիովին աջակցում ենք դրանց», - ասել է Քարնին։

ՆԱՏՕ-ի պայմանագրի 5-րդ հոդվածը սահմանում է, որ դաշինքի մեկ անդամի վրա զինված հարձակումը համարվում է հարձակում բոլոր անդամների վրա և ենթադրում է կոլեկտիվ պատասխան` ներառյալ անհրաժեշտ օգնության տրամադրումը, անդամ պետությունների հայեցողությամբ զինված ուժի կիրառումը։