Վենեսուելայի ՊՆ Լոպեսը հրապարակել է Մադուրոյի առևանգման հետևանքով զոհվածների թիվը

ԱՄՆ-ի՝ Վենեսուելայի նախագահ Նիկոլաս Մադուրոյին գերի վերցնելու գործողության արդյունքում զոհվել է 47 վենեսուելացի զինծառայող, այդ թվում՝ 9 կին, Primicia-ին հայտնել է պաշտպանության նախարար Վլադիմիր Պադրինո Լոպեսը։

Պաշտպանության նախարարի խոսքով՝ զոհվել է 83 մարդ, վիրավորվել ավելի քան 112-ը։ Լոպեսը մանրամասնել է, որ զոհվել է 32 կուբացի զինծառայող։

Հունվարի 8-ին Ներքին գործերի, արդարադատության և խաղաղության նախարար Դիոսդադո Կաբելոն հայտարարել է, որ Վենեսուելայում ԱՄՆ ռազմական գործողության ընթացքում զոհվել է առնվազն 100 մարդ։ Նա ասել է, որ զոհերը հիմնականում երիտասարդներ են, որոնք որևէ կապ չունեն միջադեպի հետ։ Կաբելոն նշել է, որ ԱՄՆ հատուկ նշանակության ուժերի գործողության ընթացքում վիրավորվել են բարձրաստիճան պաշտոնյաներ։ Մադուրոն ոտքի վնասվածք է ստացել, իսկ առաջին տիկին Սիլիա Ֆլորեսը՝ գլխի վնասվածք։