ԱՄՆ-ի ներխուժումը Գրենլանդիա Պուտինին կդարձնի աշխարհի ամենաերջանիկ մարդը․ Իսպանիայի վարչապետ

Իսպանիայի վարչապետ Պեդրո Սանչեսը La Vanguardia թերթին տված հարցազրույցում հայտարարել է, որ ԱՄՆ-ի հնարավոր ներխուժումը Գրենլանդիա «Վլադիմիր Պուտինին կդարձնի աշխարհի ամենաերջանիկ մարդը»։

Ըստ Սանչեսի, ԱՄՆ-ի ցանկացած ռազմական գործողություն Դանիային պատկանող արկտիկական այս մեծ կղզու դեմ «վնաս կհասցնի ՆԱՏՕ-ին և կօրինականացնի Ռուսաստանի ներխուժումը Ուկրաինա»։

«Եթե մենք կենտրոնանանք Գրենլանդիայի վրա, պետք է ասեմ, որ ԱՄՆ-ի ներխուժումն այդ տարածք Պուտինին կդարձնի աշխարհի ամենաերջանիկ մարդը։ Ինչո՞ւ։ Որովհետև դա կօրինականացնի նրա ներխուժումն Ուկրաինա։ Եթե Միացյալ Նահանգները ուժ կիրառի, դա կդառնա թաղման ղողանջ ՆԱՏՕ-ի համար։ Պուտինը կրկնակի երջանիկ կլինի», – նշել է Սանչեսը։

Ավելի վաղ նախագահ Թրամփը հայտարարել էր, որ Դանիայից, Նորվեգիայից, Շվեդիայից, Ֆրանսիայից, Գերմանիայից, Մեծ Բրիտանիայից, Նիդեռլանդներից և Ֆինլանդիայից ներկրվող ապրանքների վրա 10 տոկոսանոց մաքսատուրքը ուժի մեջ կմտնի փետրվարի 1-ին, սակայն հետագայում կարող է աճել մինչև 25%։ Այն գործելու է այնքան ժամանակ, քանի դեռ Գրենլանդիայի վերաբերյալ գործարք չի կնքվել։ Թրամփը պնդում է, որ Դանիայի ինքնավար տարածքը վճռորոշ նշանակություն ունի ԱՄՆ անվտանգության համար և չի բացառել դրաբռնի զավթումը։