11-ամյա տղան կրակել է հոր գլխին, երբ վերջինս քնելուց առաջ վերցրել է նրա խաղային գաջեթը

ԱՄՆ-ում 11-ամյա տղան հարձակվել է հոր վրա, այն բանից հետո, երբ հայրը վերցրել է նրա Nintendo Switch-ը, հաղորդում է The Guardian-ը։

Դեպքը տեղի է ունեցել հունվարի 13-ին Փենսիլվանիա նահանգի Դանքանոն քաղաքում։ Ժամը 3:20-ի սահմաններում ոստիկանությունը մտել է Սաութ Մարկետ փողոցում գտնվող տներից մեկը՝ անգիտակից տղամարդու մասին հաղորդում ստանալուց հետո։

Ոստիկանները 42-ամյա Դուգլաս Դիթցին գտել են պառկած իր մահճակալին՝ գլխին հրազենային վնասվածքոց։ Նրա 11-ամյա որդին, որը նոր էր նշել իր ծննդյան օրը, մոտակայքում էր։ Ոստիկանության տվյալներով՝ երեխան «զայրացել է», երբ հայրը նրան ասել է, որ քնելու ժամանակն է, և վերցրել է Nintendo Switch-ը։

Մինչ ծնողները քնած էին, տղան մտել է պահարանը՝ հույս ունենալով գտնել սարքը, բայց հայտնաբերել է չհրկիզվող պահարանի բանալին, որտեղ թաքցված էր զենքը։ Այնուհետև նա բացել է պահարանը, լիցքավորել ատրճանակը, մոտեցել է մահճակալին և կրակել հոր վրա մոտ հեռավորությունից։

Ըստ տեղեկությունների՝ երեխային մերժվել է գրավի դիմաց ազատ արձակելը, և նա դատարանի առջև կկանգնի հունվարի 22-ին։