Մահացած կնոջը հայտնաբերել են Վիկտոր Ցոյի գերեզմանի վրա

Սանկտ Պետերբուրգում՝ Բոգոսլովսկոյե գերեզմանատանը, Վիկտոր Ցոյի գերեզմանի մոտ 47-ամյա կին է հայտնաբերվել կյանքի նշաններ չունեցող վիճակում։ Տեղեկությունը հայտնել է «Ֆոնտանկա»-ն՝ հղում անելով իրավապահ մարմիններին։

Նախնական տվյալներով՝ կինը երգչի ստեղծագործության երկրպագու է եղել և գերեզման այցելել է երկու ծանոթների՝ տղամարդու և կնոջ հետ։ Նրանք տեղափոխվել են ոստիկանության բաժին՝ տեղի ունեցածի հանգամանքները պարզելու նպատակով։

78.ru-ի փոխանցմամբ՝ կնոջ ինքնազգացողությունը հանկարծակի վատացել է այցելության ընթացքում, նա ընկել է, իսկ մնացած հանգամանքները դեռ ճշտվում են։ Ըստ նախնական վարկածի՝ մահվան պատճառ կարող էր լինել անորակ ալկոհոլի օգտագործումը։