Սպասվում է անոմալ տաք եղանակ՝ նորմայից մինչև 25 աստիճան բարձր

Ռուսաստանի Չուկոտկա տարածաշրջանում կանխատեսվում է անոմալ տաք եղանակ․ օդի ջերմաստիճանը կարող է գերազանցել կլիմայական նորման 20–25 աստիճանով։ Այս մասին ՏԱՍՍ-ին հայտնել է Ռուսաստանի Հիդրոմետկենտրոնի գիտական ղեկավար Ռոման Վիլֆանդը՝ նախազգուշացնելով առաջիկա եղանակային անսովոր պայմանների մասին։

Մետեորոլոգի խոսքով՝ Անադիրում երկուշաբթի՝ հունվարի 19-ի գիշերը, ջերմաստիճանը բարձրացել է մինչև մինուս 15–20 աստիճան, իսկ երեքշաբթի ցերեկը տաքացումը կշարունակվի՝ հասնելով մինուս 1–4 աստիճանի։ Վիլֆանդը նշել է, որ ձմռան կեսին նման հալոցքը Չուկոտկայի համար չափազանց հազվադեպ երևույթ է։

Ավելի վաղ հաղորդվել էր նաև, որ առաջիկա օրերին զգալի տաքացում է սպասվում Մոսկվայում և մարզում․ մայրաքաղաքում օդի ջերմաստիճանը կմոտենա կամ նույնիսկ կգերազանցի կլիմայական միջին ցուցանիշները։