«Սենտիմենտալ արժեքը» ճանաչվել է Եվրոպայի լավագույն ֆիլմը 2025-ին

Բեռլինում կայացած Եվրոպական կինոակադեմիայի մրցանակաբաշխության ժամանակ 2025 թվականի լավագույն եվրոպական ֆիլմ է ճանաչվել Յոակիմ Տրիերի «Սենտիմենտալ արժեքը» կինոնկարը։ Այդ մասին հայտնում է մրցանակի պաշտոնական կայքը։ Եվրոպական կինոակադեմիան ամեն տարի պարգևատրում է մայրցամաքում ստեղծված լավագույն կինոարտադրությունները։

Ֆիլմը, որը պատմում է տարեց ռեժիսորի մասին՝ տարիներ անց նորից կինո նկարելու և միաժամանակ իր չափահաս դուստրերի հետ հարաբերությունները վերականգնելու փորձի մասին, արժանացել է ևս հինգ մրցանակի։ «Սենտիմենտալ արժեքը» հաղթել է «Լավագույն եվրոպական ռեժիսոր» (Յոակիմ Տրիեր), «Լավագույն սցենար» (Տրիեր և Էսկիլ Ֆոգտ), «Լավագույն եվրոպական դերասան» (Ստելան Սկարսգարդ), «Լավագույն եվրոպական դերասանուհի» (Ռենատե Ռեյնսվե) և «Լավագույն երաժշտություն» (Հանիա Ռանի) անվանակարգերում։

Եվս հինգ մրցանակի է արժանացել Օլիվեր Լաշեի «Սիրատ» ֆիլմը, որը պարգևատրվել է օպերատորական աշխատանքի, բեմադրական ձևավորման, մոնտաժի, ձայնային ձևավորման և քասթինգի համար։ Ավելի վաղ «Սենտիմենտալ արժեքը» դարձել էր նաև Կաննի կինոփառատոնի 2025 թվականի Գրան պրիի դափնեկիր, իսկ «Սիրատ»-ը նույն փառատոնում ստացել էր ժյուրիի մրցանակը։