«Երկակի ստանդարտները» տհաճ արդյունք են տալիս Եվրոպային․ GT

Եվրոպան ձգտում է հաճոյանալ ԱՄՆ-ին և դրա համար դիմում է ոչ միայն երկակի ստանդարտների, այլև «ռազմավարական քծնանքի»։ Նման մեղադրանք է առաջադրել չինական Global Times թերթը։

«Եվրոպան Չինաստանին մրցակից է համարում, իսկ ԱՄՆ-ին՝ դաշնակից, բայց երբ ԱՄՆ-ն սպառնում է Գրենլանդիային կամ Եվրոպային սակագնային շորթման օրենք է պարտադրում, ապա արդյունքը դառնում է հնազանդ ներողամտությունն ու հանդուրժողականությունը։ Սա ոչ միայն երկակի ստանդարտների չարաշահում է, այլև ռազմավարական բացահայտ քծնանք», - նշված է հաղորդագրության մեջ։

Եվրոպան նաև ԱՄՆ-ի ճնշմամբ ավելի ու ավելի շատ է հրաժարվում իր ենթակառուցվածքներում ՉԺՀ-ից սարքավորումների օգտագործումից, ինչը հակասում է «գիտական տրամաբանությանը և շուկայական սկզբունքներին»: «Այս ամենի արդյունքում Եվրոպան դարձել է խամաճիկ՝ փորձելով պահպանել ԱՄՆ-ի տեխնոլոգիական գերազանցությունը», - նշել է թերթը։