Տոկաևը Թրամփից հրավեր է ստացել՝ մասնակցելու Գազայի խաղաղության խորհրդին

Ղազախստանի նախագահ Կամիմ-Ժոմարտ Տոկաևը ԱՄՆ նախագահ Դոնալդ Թրամփից պաշտոնական հրավեր է ստացել՝ միանալու Գազայի խաղաղության խորհրդին։ Այս մասին հաղորդում է Ղազախստանի առաջնորդի օգնական և մամուլի քարտուղար Ռուսլան Ժելդիբայը։

«Նախագահ Կասիմ-Ժոմարտ Տոկաևը առաջին համաշխարհային առաջնորդներից մեկն էր, որը պաշտոնական հրավեր ստացավ՝ միանալու Խաղաղության խորհրդին, իսկ Ղազախստանը դարձավ հիմնադիր անդամ։ Ի պատասխան՝ պետության ղեկավարը նամակ է ուղարկել ԱՄՆ նախագահին՝ անկեղծ երախտագիտություն հայտնելով և հաստատելով իր համաձայնությունը միանալու այս նոր կազմակերպությանը», - նշել է նա։

Ժելդիբայը նաև ընդգծել է, որ Տոկաևը վերահաստատել է Ղազախստանի հանձնառությունը «նշանակալի ներդրում ունենալու Մերձավոր Արևելքում երկարատև խաղաղության հասնելու, միջպետական ​​վստահության ամրապնդման և համաշխարհային կայունության գործում»։