Էրդողանը բացատրել է, թե ինչպես կարող է Իրանը հաղթահարել «թակարդներով լի» ժամանակաշրջանը

Անկարան հույս ունի, որ Իրանի կառավարությունը կլուծի ներկայիս ճգնաժամը երկխոսության և դիվանագիտության միջոցով։ Այս մասին հայտարարել է Թուրքիայի նախագահ Ռեջեփ Թայիփ Էրդողանը կառավարության նիստից հետո։

«Մենք հավատում ենք, որ մեր իրանցի եղբայրները կհաղթահարեն թակարդներով այս լի ժամանակաշրջանը։ Թուրքիան ի սկզբանե պահպանել է սկզբունքային դիրքորոշում։ Մեր կարծիքով, Իրանի խնդիրների լուծումը պետք է գտնվի բանակցությունների սեղանի շուրջ», - ընդգծել է թուրք առաջնորդը։

Նա պարզաբանել է, որ Անկարան կոչ է անում բոլոր շահագրգիռ կողմերին զբաղվել դիվանագիտությամբ։ Էրդողանի խոսքով՝ Թուրքիան կշարունակի դեմ դուրս գալ ցանկացած փորձի, որը կարող է տարածաշրջանը քաոսի մեջ գցել։