Մի մոռացեք վերև նայե՜լ. ուղիղ ձյան աչքերին, ու երազե՜լ. Նազենի Հովհաննիսյան (լուսանկար)

Հաղորդավարուհի, դերասանուհի Նազենի Հովհաննիսյանը գրում է.

 

Ձյունը՝ ամենից տաղանդավոր նկարիչ- քանդակագործն է), ամեն փաթիլը մի պատմություն, ամեն ապիտակ ծածկոցը՝ մի նոր քարտեզ, ամեն սառցակալած լուսամուտը՝ նոր կտավ:

Փոքր ժամանակ ես «բռնում» էի փաթիլները, որ տեսնեի քանի թև ունեն, ինչ կառուցվածք, որ հիանայի սառցե գեղեցկությամբ, միայն ափսոս, որ ի վերջո հալչում էին....

Կյանքի ժամանակավորության ամենաիսկական խորհուրդն է էլի)...

 

Թեև, մանկության մեր գործած, քորքոտած ձեռնոցներին նստած փաթիլն ավելի երկար էր ապրում, քան հիմա՝ կաշվե ձեռնոցին կամ անձեռնոց մաշկին:

Վառում ենք հիմա մեր Փաթիլը, վառում ու վառվում ենք ՆԵՐՍԻՑ:

Կամ փաթիլն էր երկար ապրում, կամ մենք չէինք շտապում անիմաստ, ու ժամանակը չէր խտացել մի վայրկյանի մեջ, չէր խտացել մի կետի չափ. տարածական էր դեռ ու անշտապ՝ հին օրերի ու մանկության ժամանակը: