ТАСС. Նախատեսում են խստացնել վարորդական իրավունքի տեսական քննությունը

Ռուսաստանում պատրաստվել է փաստաթղթի նախագիծ, որը նախատեսում է խստացնել վարորդական իրավունքի ստացման համար անցկացվող տեսական քննության կարգը։ ՏԱՍՍ-ին հայտնել են, որ նախագիծը մոտ ժամանակներս կներկայացվի կառավարության քննարկմանը, իսկ հանրային քննարկման փուլն արդեն ավարտված է։

Նախագծով, որը մշակվել է ՆԳ նախարարության նախաձեռնությամբ, առաջարկվում է ընդլայնել այն խախտումների ցանկը, որոնց դեպքում թեկնածուն չի թույլատրվի քննությանը։ Մասնավորապես, արգելվելու է քննության ընթացքում օգտագործել կապի ցանկացած միջոց, լուսանկարչական սարքեր, աուդիո և վիդեո տեխնիկա, ինչպես նաև այլ անձնական էլեկտրոնային սարքեր։ ՏԱՍՍ-ի փոխանցմամբ՝ թաքնված ականջակալների կամ մանր տեսախցիկների հայտնաբերման դեպքում քննության արդյունքները կարող են չեղարկվել։

Նման դեպքերում քննությունը վերահանձնել հնարավոր կլինի ոչ շուտ, քան 12 ամիս անց։ Նախագիծը նաև նախատեսում է ավտոմատացված աուդիո և վիդեո ֆիքսման համակարգերի պարտադիր տեղադրում ճանապարհային ոստիկանության քննասենյակներում՝ տեսական քննության ողջ ընթացքը իրական ժամանակում գրանցելու համար։ Բացի այդ, առաջարկվում է կրճատել տեսական քննության դրական արդյունքների գործողության ժամկետը՝ 180 օրից դարձնելով 60 օր, ինչի մասին հայտնում է ՏԱՍՍ-ը։