ՌԴ ՊՆ․ մեկ օրում Ռուսաստանի երկնքում խոցվել է 23 ուկրաինական անօդաչու

Ռուսաստանի պաշտպանության նախարարությունը հայտնել է, որ Ուկրաինայի զինված ուժերը շարունակել են հարվածների փորձերը Ռուսաստանի տարածքի ուղղությամբ։ ՌԴ ՊՆ-ի փոխանցմամբ՝ հունվարի 20-ին՝ ժամը 09:00-ից մինչև 16:00-ը, Ռուսաստանի երկնքում խոցվել է ընդհանուր առմամբ 23 ուկրաինական անօդաչու թռչող սարք։

Պաշտպանական գերատեսչության տվյալներով՝ հարվածների հիմնական ուղղություններից մեկը եղել է Ռուսաստանի հարավը։ Մասնավորապես, հինգ անօդաչու խոցվել է Աստրախանի մարզի երկնքում։ Բրյանսկի և Կուրսկի մարզերի վրա ոչնչացվել է մեկական թռչող սարք, իսկ ամենաշատը՝ 16 անօդաչու, խոցվել է Բելգորոդի մարզում։

ՌԴ պաշտպանության նախարարության Telegram-ալիքի հաղորդմամբ՝ նմանատիպ զանգվածային հարձակումներ գրանցվել էին նաև 2025 թվականի դեկտեմբերին, երբ ուկրաինական անօդաչուները թիրախավորել էին մի շարք ռուսական շրջաններ, այդ թվում՝ Աստրախանի մարզը և Կալմիկիայի Հանրապետությունը։