Զուգընկերոջ կողմից ծեծի ենթարկված ինստա-մոդելին նոր վիրահատություն է սպասվում
Հասարակություն
Ռուսաստանյան ինստագրամ-մոդել Անժելիկա Տարտանովային, որը ծանր վնասվածքներ է ստացել իր նախկին բոյֆրենդի կողմից բռնության ենթարկվելու հետևանքով, անհրաժեշտ է նոր վիրահատություն՝ գանգի մեջ պլաստին տեղադրելու համար։ Այդ մասին հայտնում է «Ստարխիտ»-ը՝ հղում անելով «Հիշողություն» բարեգործական հիմնադրամի ներկայացուցիչներին։
Հիմնադրամի տվյալներով՝ 33-ամյա մոդելի մոտ բացակայում է գանգի մի մասը, նա ունի հիշողության կորստի խնդիրներ և չի կարող խոսել։ Նշվում է, որ փետրվարին նախատեսված վիրահատությունից հետո Տարտանովային սպասվում է երկարատև և զրոյից սկսվող վերականգնում, որը պահանջելու է զգալի ֆինանսական միջոցներ։ Միաժամանակ ընդգծվում է, որ նրա նախկին զուգընկերը՝ Դմիտրի Կուզմինը, որևէ նյութական աջակցություն չի ցուցաբերում։
Ըստ «Ստարխիտ»-ի՝ դեպքի առթիվ հարուցված է քրեական գործ՝ առողջությանը դիտավորությամբ ծանր վնաս պատճառելու հոդվածով։ Իրավապահ մարմինները շարունակում են հետաքննությունը, իսկ Կուզմինը ներկայում գտնվում է տնային կալանքի տակ։ Ավելի վաղ հայտնի էր դարձել, որ Տարտանովան հայտնաբերվել է վերակենդանացման բաժանմունքում՝ ծանր վնասվածքներով, ինչից հետո նա հրապարակավ մեղադրել էր իր նախկին բոյֆրենդին բռնության մեջ։
ՈՒՂԻՂ ԵԹԵՐ
Ամենադիտված 
«Մենք դադարում ենք լինել ամուսիններ»․ Անահիտ Կիրակոսյանն ամուսնալուծվել է
