Իսրայելում մեկնարկել են խորհրդարանական ընտրությունները

Իսրայելում երեքշաբթի օրը մեկնարկել են խորհրդարանական ընտրությունները, որոնց արդյունքում կձևավորվի նոր կառավարություն և կնշանակվի երկրի նոր վարչապետ: Քվեարկելու իրավունք ունի ավելի քան 5.6 մլն քաղաքացի: Ընտրությունների մեկնարկը տրվել է տեղական ժամանակով 7:00-ին (9:00):

Ակնկալվում է, որ քվեարկության արդյունքում աջակողմյան ուժերը կամրապնդեն իրենց դիրքերը, իսկ վարչապետ Բենիամին Նեթանյահուն 3-րդ անգամ կզբաղեցնի վարչապետի պաշտոնը, որի օրոք սառեցվել էր Պաղեստինի հետ խաղաղ բանակցային գործընթացն ու մեծ թափ էին ստացել հրեական բնակավայրերի կառուցման աշխատանքները, ինչը բարդացրել էր վաղեմի դաշնակից ԱՄՆ-ի հետ Իսրայելի հարաբերությունները:

Կնեսետի 120 մանդատին հավակնում է 32 կուսակցություն: Նեթանյահուն ընտրություններին մասկացում է Լիկուդ և Մեր տունը Իսրայելն է կուսակցությունների միության գլխավորությամբ:

Քվեարկությունը կընթանա կուսակցական ցուցակներով: 2%-ից ավել ձայն հավաքած ցուցակները մասնակցում են պատգամավորական մանդատների բաշխմանը: Իսրայելի գոյության ողջ ընթացքում ոչ մի կուսակցություն երբևիցե չի հավաքել 120 մանդատից 61-ը, ուստի Կնեսետում երկրի կառավարությունը միշտ ձևավորվել է կոալիցիոն հիմունքներով: