Ուկրաինան հրավեր չի ստացել Փարիզում կայանալիք G7-ի հնարավոր գագաթնաժողովին․ Զելենսկի
Աշխարհ
Ուկրաինան հրավեր չի ստացել հինգշաբթի օրը Փարիզում կայանալիք G7-ի հնարավոր գագաթնաժողովին, որի մասին Ֆրանսիայի նախագահ Էմանուել Մակրոնը նամակ էր հղել ԱՄՆ նախագահ Դոնալդ Թրամփին։ Այս մասին, ինչպես մեջբերում է «Նովոստի.Լայվ»-ը, լրագրողների հարցերին պատասխանելով՝ հայտարարել է Վլադիմիր Զելենսկին։
«Ինչ վերաբերում է «յոթ»-ին, ես դեռ ոչինչ չունեմ», - ասել է նա՝ պատասխանելով հրավերի վերաբերյալ հարցին։
Ավելի վաղ ԱՄՆ նախագահ Դոնալդ Թրամփը հրապարակել էր Ֆրանսիայի նախագահ Էմանուել Մակրոնի անձնական ուղերձը, որում նա առաջարկել էր հունվարի 22-ին Փարիզում կազմակերպել G7-ի հանդիպում և հրավիրել Ռուսաստանին և Ուկրաինային մասնակցելու:
Ռուսաստանի նախագահի մամուլի քարտուղար Դմիտրի Պեսկովը նախկինում հայտարարել էր, որ Ռուսաստանը հանդիպման հրավեր չի ստացել:
ՈՒՂԻՂ ԵԹԵՐ
Ամենադիտված 
«Մենք դադարում ենք լինել ամուսիններ»․ Անահիտ Կիրակոսյանն ամուսնալուծվել է
