Երկիրը շարունակում է գտնվել մագնիսական փոթորկի ազդեցության տակ

Երկրի վրա շարունակվում է մագնիսական փոթորիկը․ այդ մասին հայտնել են Ռուսաստանի Գիտությունների ակադեմիայի Տիեզերական հետազոտությունների ինստիտուտի արևային աստղագիտության լաբորատորիայի մասնագետները։ Ներկայումս գեոմագնիսական խանգարման ինդեքսը գնահատվում է G1.7 մակարդակով, որը գտնվում է թույլ և միջին ուժգնության սահմանագծում։

Ավելի վաղ՝ հունվարի 21-ի առավոտյան, մագնիսական փոթորիկը հասել էր ուժեղ մակարդակի՝ G3։ Մասնագետների տվյալներով՝ գիշերվա ընթացքում Ռուսաստանում արձանագրվել են ինտենսիվ բևեռափայլեր, որոնք տեսանելի են եղել ոչ միայն Հեռավոր Արևելքում, այլև երկրի կենտրոնական շրջաններում։

Գեոմագնիսական իրադարձությունը սկսվել է հունվարի 20-ի գիշերը, երբ փոթորկի ուժգնությունը գրեթե հասել էր ծայրահեղ G5 մակարդակին՝ առավելագույնը կազմելով G4.7։ Գիտնականները կանխատեսում են, որ մագնիսական փոթորկի ընդհանուր տևողությունը կլինի առնվազն մեկ օր, իսկ գեոմագնիսական դաշտի լիարժեք կայունացումը սպասվում է 2–3 օր անց։