ԵՄ-ն հակաքայլեր է պատրաստում․ ԵՀ փոխնախագահ

Եվրոպական միության երկրները չպետք է հրաժարվեն որևէ միջոցից, որը կարող է անհրաժեշտ լինել սեփական շահերը պաշտպանելու համար՝ հաշվի առնելով ԱՄՆ-ի պահանջները Գրենլանդիայի նկատմամբ: Այս մասին հայտարարել է Եվրոպական հանձնաժողովի փոխնախագահ Թերեզա Ռիբերան, որի խոսքերը մեջբերում է The Financial Times–ը։

«Եվրամիությունը չպետք է հրաժարվի որևէ միջոցից, որը կարող է անհրաժեշտ լինել սեփական շահերը պաշտպանելու համար: ԵՄ–ն ունի «հնարավոր միջոցների ցանկ», - նշել է պաշտոնյան։

Վերջինս չի հստակեցրել, թե կոնկրետ ինչ հակաքայլերի մասին է խոսքը։ Նա ընդգծել է, որ կողմերին անհրաժեշտ է ձգտել լարվածության թուլացմանը, բայց միաժամանակ Բրյուսելը պետք է պատրաստ լինի անհրաժեշտության դեպքում ձեռնարկել լրացուցիչ հակաքայլեր։