Կալիֆոռնիայում մեկ օրում ավելի քան 15 երկրաշարժ է տեղի ունեցել

Վերջին 24 ժամվա ընթացքում Կալիֆոռնիայում գրանցվել է 16 երկրաշարժ, գրում է The New York Post-ը։

«16 երկրաշարժերի շարք ցնցեց Հարավային Կալիֆոռնիան 24 ժամից էլ պակաս ժամանակահատվածում՝ վերստին բորբոքելով սարսափելի վախեր, որ «Մեծ երկրաշարժը» պատրաստվում է պատառոտել տարածաշրջանը», - նշվում է հրատարակության մեջ։

Հեղինակների խոսքով՝ երկրաշարժերի շարքը տեղի է ունեցել Սան Անդրեասի բեկվածքի մոտակայքում։ ԱՄՆ երկրաբանական ծառայության տվյալներով՝ ցնցումները տեղի են ունեցել մոտավորապես 3,2 կիլոմետր խորության վրա։ Առաջին ցնցումը կազմել է 4,9 մագնիտուդ։ Հաջորդ րոպեներին գրանցվել է ևս չորս երկրաշարժ՝ 3,4-ից մինչև 2,9 մագնիտուդ ուժգնությամբ։

Մասնագետները կանխատեսում են 3 կամ ավելի մագնիտուդ ուժգնությամբ լրացուցիչ ցնցումներ մինչև հունվարի 27-ը։