Ճապոնիայի նախկին վարչապետ Աբեին սպանողը դատապարտվել է ցմահ ազատազրկման

Ճապոնիայի դատարանը նախկին վարչապետ Շինզո Աբեի սպանության մեջ մեղադրվող տղամարդուն դատապարտել է ցմահ ազատազրկման, հաղորդում է NHK-ն։

Դատավարությունը տևել է հոկտեմբերից մինչև դեկտեմբեր՝ 15 լսումներով։ Թղթակիցների տվյալներով՝ 45-ամյա Տեցույո Յամագամին մեղավոր է ճանաչվել սպանության և մի շարք այլ հանցագործությունների մեջ։

Քննությունը պարզել է, որ 2022 թվականի հուլիսին Յամագամին ինքնաշեն զենքով կրակել է Աբեի վրա՝ նրա նախընտրական հանրահավաքի ժամանակ՝ Ճապոնիայի արևմուտքում գտնվող Նարա քաղաքում։ Քաղաքական գործչին երկու անգամ կրակել են մեջքից։ Երկրորդ կրակոցը, որը դիպել է պարանոցին և կրծքավանդակին, մահացու է եղել։ Աբեն մահացել է արյան կորստից։