Ռուսաստանում դպրոցականներին ցանկանում են ուսուցանել դրոնների հավաքում և կառավարում

Ռուսաստանում առաջարկվում է դպրոցականների համար նախատեսված «Անվտանգության հիմունքներ և Հայրենիքի պաշտպանություն» (ՕԲԶՐ) առարկայի շրջանակում ներառել անօդաչու թռչող սարքերի՝ դրոնների հավաքման և կառավարման ուսուցում։ Այդ մասին հայտնում է «ՌԻԱ Նովոստի»-ն՝ հղում անելով կառավարության փաստաթղթերին։

Փաստաթղթերի համաձայն՝ ուսումնական միջոցների ցանկում նախատեսվում է ներառել ԲՊԼԱ-ների վերաբերյալ ուսումնական-մեթոդական հավաքածուներ աշակերտների և ուսուցիչների համար, տարբեր տեսակի դրոնների մշակման կրթական փաթեթներ, ծրագրային-ապարատային համակարգեր՝ անօդաչու թռչող սարքերի պիլոտավորման համար, ինչպես նաև դրոն-կոնստրուկտորներ և աէրոգոնքերի համար նախատեսված ծրագրային ապահովում։

Նախատեսվում է նաև, որ դպրոցներում կօգտագործվեն ուսումնական դրոնների բազային հավաքածուներ՝ բլոկային ծրագրավորման և հեռակառավարման կամ սմարթֆոնի միջոցով պիլոտավորման ուսուցման հնարավորությամբ։ Բացի այդ, ՕԲԶՐ-ի դասասենյակները պետք է համալրվեն էլեկտրոնային կամ օդաճնշական հրաձգարաններով, խոչընդոտների գոտիներով, տարբեր զինատեսակների մակետներով և առաջին օգնության միջոցներով։ Ավելի վաղ հաղորդվել էր, որ Ռուսաստանում արդեն հրապարակվել է դպրոցականների համար նախատեսված դրոնների վերաբերյալ նոր դասագիրք՝ 8–9-րդ դասարանների աշակերտների համար։