Փորձագետը ցածր է գնահատել Գրենլանդիան ԱՄՆ-ին փոխանցելու հավանականությունը

Եվրոպայի կողմից Գրենլանդիայի վերահսկողությունը ԱՄՆ նախագահ Դոնալդ Թրամփին փոխանցելու հավանականությունը ներկայում չափազանց փոքր է։ Այդ կարծիքը «Լենտա.ռու»-ին հայտնել է քաղաքականագետ-ամերիկագետ Մալեկ Դուդակովը՝ նշելով, որ Եվրոպայում արդեն ձևավորվել է Թրամփի դեմ միասնաբար բացասական դիրքորոշում։

Նրա խոսքով՝ Դավոսի ֆորումից եկող տեղեկատվական «արտահոսքերին» պետք է զգուշությամբ վերաբերվել, քանի որ այնտեղ տարբեր կարծիքներ են հնչում, սակայն Բրյուսելում եվրոպական բյուրոկրատիան այժմ տրամադրված է բավական կոշտ։ Դուդակովը նշել է, որ ԵՄ-ն պատրաստ է ԱՄՆ-ի մաքսատուրքերին պատասխանել համաչափ քայլերով՝ արձագանքելով Վաշինգտոնի ճնշմանը։

Քաղաքականագետի գնահատմամբ՝ արդեն ձևավորվել է համաեվրոպական հակաթրամփյան կոնսենսուս, ինչը նվազեցնում է այն սցենարի հավանականությունը, ըստ որի Եվրոպան կարող էր Գրենլանդիան «զիջել» ԱՄՆ-ին՝ դրա դիմաց փորձելով ինչ-որ բան ստանալ, օրինակ՝ Ուկրաինային աջակցելու խոստում։ Դուդակովը կարծում է, որ եվրոպացիների հիմնական ռազմավարությունը կլինի ժամանակ շահելը, Թրամփի քայլերին սահմանափակ և համաչափ պատասխանելը և սպասելը ԱՄՆ Կոնգրեսի առաջիկա ընտրություններին, որոնք կարող են բարդացնել Թրամփի ներքաղաքական դիրքերը և երկրորդ պլան մղել Գրենլանդիայի հարցը։