Իրանը սպառնացել է Միացյալ Նահանգներին

Իրանի արտաքին գործերի նախարար Աբբաս Արաղչին Իսլամական Հանրապետության ներքին ճգնաժամի համատեքստում կտրուկ նախազգուշացում է հղել Միացյալ Նահանգներին։ Այդ մասին հաղորդում է ABC News-ը։

The Wall Street Journal-ի համար հրապարակված հոդվածում, որը հետագայում հեռացվել է կայքից (ինչպես հաղորդում է ABC-ն), դիվանագետը Իրանում տեղի ունեցող բռնության համար փորձել է մեղադրել զինված ցուցարարներին։

«2025 թվականի հունիսին Իրանի ցուցաբերած զսպվածությունից տարբերվելով՝ մեր հզոր զինված ուժերը չեն տատանվի պատասխանել իրենց ունեցած ողջ զինանոցով, եթե մեզ վրա կրկին հարձակվեն»,-գրել է Արաղչին՝ անդրադառնալով Իսրայելի կողմից Իսլամական Հանրապետության դեմ 2025 թվականի հունիսին սկսված այսպես կոչված 12-օրյա պատերազմին։

Նախարարի խոսքով՝ լայնածավալ բախումը, անկասկած, կլինի դաժան և կտևի շատ ավելի երկար, քան «իսրայելական և նրա լիազորված անձանց կողմից Սպիտակ տանը պարտադրվող ֆանտաստիկ ժամանակացույցերը»։ Արաղչին հավելել է, որ հակամարտությունը կընդգրկի ամբողջ Մերձավոր Արևելքը և կազդի աշխարհի բոլոր հասարակ մարդկանց վրա։