Ռուսական ֆոնդային շուկան աճել է Ուիթքոֆի հայտարարությունից հետո

Ռուսաստանի ֆոնդային շուկան դրական արձագանք է տվել ԱՄՆ նախագահի հատուկ բանագնաց Սթիվ Ուիթքոֆի՝ Ռուսաստան այցելելու և Վլադիմիր Պուտինի հետ հանդիպելու մասին հայտարարությանը։ Առևտրի տվյալների համաձայն՝ ընդամենը 10 րոպեի ընթացքում Մոսկվայի բորսայի ինդեքսը ավելացել է ավելի քան 20 կետով և գերազանցել 2770 միավորը։

Հրապարակման պահին Մոսբիրժայի ինդեքսը աճել է 1,2 տոկոսով՝ հասնելով 2771,04 կետի։ Մեկ օր առաջ ցուցանիշը նվազել էր 0,8 տոկոսով, ինչը վերլուծաբանները կապում էին կողմերի կոշտ հռետորաբանության հետ, որը սահմանափակում էր շուկայի լավատեսությունը։

Ավելի վաղ Սթիվ Ուիթքոֆը CNBC-ին տված հարցազրույցում հայտնել էր, որ հունվարի 22-ին կմեկնի Ռուսաստան՝ ԱՄՆ նախագահ Դոնալդ Թրամփի փեսա Ջարեդ Քուշների հետ միասին։ Նրա հայտարարությունը շուկայի մասնակիցների կողմից ընկալվել է որպես հնարավոր դիվանագիտական ակտիվացման ազդակ։