Կանադայի բանակը ԱՄՆ-ի ռազմական ներխուժման մոդել է մշակել․ GM

Կանադայի զինված ուժերը երկիր ԱՄՆ-ի հիպոթետիկ ներխուժման և հնարավոր պատասխան գործողությունների մոդել են մշակել: Այս մասին հայտնում է The Globe and Mail պարբերականը՝ հղում անելով իր աղբյուրներին:

«Կանադայի Զինված ուժերը մոդելավորել են ամերիկյան զորքերի հիպոթետիկ ներխուժումը Կանադա և երկրի հնարավոր պատասխանը, որը ներառում է մեթոդներ, որոնք նման են ԽՍՀՄ-ի, իսկ հետո նաև Աֆղանստանում ԱՄՆ-ի գլխավորած ուժերի դեմ կիրառված մեթոդներին», - ասվում է հրապարակման մեջ:

Թերթի կողմից հարցված պետական պաշտոնյաներն ու ռազմական փորձագետները քիչ հավանական են համարում, որ ԱՄՆ նախագահ Դոնալդ Թրամփի վարչակազմը Կանադա ներխուժելու հրաման կտա: