Մեծ Բրիտանիայում կինը 25 տարի շարունակ աղջկան պահել է տանը փակի տակ՝ որպես ստրկուհի
Այլ
Մեծ Բրիտանիայում տասը երեխաների մայրը մեղադրվում է դեռահաս աղջկան որպես ստրկուհի ավելի քան 25 տարի պահելու մեջ, հայտնում է «metro» թերթը։
16-ամյա աղջիկը 1995 թվականին Ամանդա Ուիքսոնի կողմից ստրկության է ենթարկվել և մնացել տանը փակի տակ մինչև 2021 թվականը։ Իրավապահները պնդում են, որ աղջկան պարբերաբար ծեծի են ենթարկել, ներառյալ՝ կոտրել են ատամները։ Ավելին, դեռահասին ստիպել են աման լվացող հեղուկ խմել, սպիտակեցնող հեղուկ ցողել դեմքին և բազմիցս սափրել գլուխը։
Աղջկան նաև քիչ սնունդ են տվել, թույլ չեն տվել տնից դուրս գալ, նա ստիպված է եղել գիշերը գաղտնի լողանալ։ Նրան ստիպել են աշխատել բռնության սպառնալիքներով։
Կասկածյալի որդիներից մեկը կապ է հաստատել ոստիկանության հետ։ Երբ տուժածը հայտնաբերվել է, նա արդեն 40 տարեկանն անց էր։ Նա շատ նիհար էր՝ շուրթերին և դեմքին սպիներով, սափրված գլխով և ոտքերին մեծ կոշտուկներով՝ անընդհատ ծնկի իջնելու և հատակը մաքրելու հետևանքով։
Կինը հերքել է մեղադրանքները։ Դատավճիռը կհրապարակվի մարտի 12-ին։ Մեղադրյալին սպառնում է մինչև 10 տարվա ազատազրկում։
ՈՒՂԻՂ ԵԹԵՐ
Ամենադիտված 
Էմոցիաների տակ հայտարարություններ եմ արել, որոնց համար չեմ հպարտանում. ներողություն եմ խնդրում (տեսանյութ)
