«Երկիր». Հանդիպել են կոալիցիոն երեք ուժերի ղեկավարները

Թերթը գրում է. «Երեկ ուշ երեկոյան հայտնի դարձավ, որ ընտրությունների հետ կապված որոշ մանրամասներ ճշտելու և պարզաբանումներ կատարելու համար հանդիպում է տեղի ունեցել կոալիցիոն երեք ուժերի ղեկավարների միջև: Ուշագրավ է, որ այդ հանդիպման պատճառով, մեր աղբյուրների պնդմամբ, հետաձգվել է ՕԵԿ-ի երեկվա քաղխորհրդի նիստը, որը շատերի համար վճռորոշ էր լինելու: Հանրապետականը ցանկանում է հստակեցնել ընտրությունների ժամանակ ՕԵԿ-ի հետ աշխատելու մեխանիզմը: ԲՀԿ-ի և ՀՀԿ-ի թեման ավելի լուրջ է: Ծառուկյանը, մեր տեղեկություններով, ոչ մի կերպ չի համաձայնվում այն տարբերակին ու ձայների այն քանակին, որն առաջարկում է Հանրապետականը»: