Ռուսաստանում մեկնաբանել են Պուտինին ուղղված Թրամփի ուղերձը

ԱՄՆ նախագահ Դոնալդ Թրամփի՝ Ռուսաստանի նախագահ Վլադիմիր Պուտինին փոխանցված ուղերձը կարող է կապված լինել նրա հատուկ ներկայացուցիչ Սթիվ Ուիտկոֆի սպասվող այցի հետ Մոսկվա, հայտարարել է ՌԴ Պետդումայի պատգամավոր Սվետլանա Ժուրովան՝ «Լենտա.ռու»-ին տված մեկնաբանությունում։

Ավելի վաղ հաղորդվել էր, որ Թրամփը ուղերձ է փոխանցել Պուտինին՝ Ուկրաինայի նախագահ Վլադիմիր Զելենսկու հետ հանդիպումից հետո՝ ընդգծելով, որ բանակցությունները «շատ հաջող» են անցել։ Ժուրովայի կարծիքով՝ այդ կերպ Թրամփը հրապարակայնորեն փոխանցել է Զելենսկու ցանկությունը՝ ավարտել հակամարտությունը։

Պատգամավորը նաև չի բացառել, որ Ուիտկոֆը Մոսկվա է ժամանելու կոնկրետ առաջարկներով կամ փաստաթղթերով, որոնք կարող են պարունակել խաղաղ կարգավորման միջանկյալ տարբերակ։ Ավելի վաղ Ուիտկոֆը հայտարարել էր, որ ուկրաինական հակամարտության շուրջ բանակցությունները մոտենում են ավարտական փուլին՝ ընդգծելով իր լավատեսական տրամադրվածությունը գործընթացի նկատմամբ։