Ոչ միայն Ադրբեջանի, այլև՝ Հայաստանի տարածքն ենք դիտարկում, անաչառ ենք․ ԵՄ առաքելության ղեկավար

Մենք անաչառ ենք, անկողմնակալ, միայն Ադրբեջանի տարածքին չենք նայում, դիտարկում ենք նաև Հայաստանի տարածքը, հաղորդում՝ ինչ է կատարվում Հայաստանում՝ դիրքերի ամրապնդում, ուժեղացում, նոր ուժերի ավելացում։ Սահմանում տեսանելի ենք երկու կողմին էլ, հայտարարել է ՀՀ-ում ԵՄ դիտորդական առաքելության ղեկավար Մարկուս Ռիտերը՝ Հանրային Հ/Ը-ի եթերում՝ խոսելով հայ-ադրբեջանական սահմանին ԵՄ դիտորդական առաքելությունից․

«Հեռադիտակներից զատ տեսախցիկներ ունենք, լուսանկարներ ենք անում սահմանից։ Արխիվացնում ենք մեր տվյալները, Բրյուսելին զեկույցներ ենք ներկայացնում», – ասել է նա՝ ընդգծելվ, որ հիմա ավելի մեծ շանս կա խաղաղության ու ապագայի․ «Նորություններ կան, որ նավթով ու գազով գնացքներ են գալիս Հայաստան, դա վստահություն է ներշնչում»։