Որ մերձավորարևելյան երկրից ԱՄՆ-ն դուրս կբերի զորքերը․ WSJ

ԱՄՆ-ն դիտարկում է Սիրիայից իր զինված ուժերի լիակատար դուրսբերման հնարավորությունը։ Այս մասին հայտնում է The Wall Street Journal-ը՝ հղում անելով իր աղբյուրներին։

Ինչպես նշվում է հոդվածում, ամերիկացի պաշտոնյաների խոսքով՝ Վաշինգտոնը վերանայում է Սիրիայում ամերիկյան զորքերի ներկայության նպատակահարմարությունը այն ֆոնին, որ Սիրիայի նախագահ Ահմեդ աշ-Շարաան փորձում է վերականգնել վերահսկողությունը երկրի հյուսիս-արևելյան հատվածի նկատմամբ, որը նախկինում անցել էր ԱՄՆ-ի աջակցությունը վայելող քրդական զինված կազմավորումների վերահսկողության տակ։

Պարբերականի աղբյուրները նշել են, որ վերջին մեկ շաբաթվա «գլխապտույտ զարգացումները» ստիպել են Պենտագոնին կասկածի տակ դնել Սիրիայում ամերիկյան ռազմական առաքելության շարունակման իմաստը՝ հատկապես Սիրիայի դեմոկրատական ուժերի կրած պարտությունից հետո։ Ինչը հանգեցրեց ռազմական բազայի, նավթային օբյեկտների և Եփրատ գետի վրա գտնվող ջրամբարի, ինչպես նաև հյուսիս-արևելյան Սիրիայում առանցքային սահմանային անցակետերի և նավթային ենթակառուցվածքների նկատմամբ վերահսկողության կորստի։