Թրամփի վարչակազմը հրապարակավ նվաստացնում է Եվրոպային․ AC

ԱՄՆ նախագահ Դոնալդ Թրամփի վարչակազմը հրապարակավ քննադատում և նվաստացնում է Եվրամիությանը՝ Ռուսաստանի հետ բանակցություններից հրաժարվելու համար։ Այս մասին գրում է The American Conservative պարբերականը։

«Ինչո՞ւ է Թրամփի վարչակազմը անհրաժեշտ համարում հրապարակավ դաս տալ եվրոպացիներին՝ նրանց ներկայացնելով որպես վատ վարք դրսևորող ծառաների։ Որովհետև եվրոպացիները չեն ցանկանում լսել», - նշվում է հոդվածում։ Հրապարակման մեջ ընդգծվում է, որ Վաշինգտոնը բազմիցս և միանշանակ փոխանցել է Եվրոպային Ուկրաինայում հակամարտությունը դադարեցնելու և Մոսկվայի հետ խաղաղ համակեցության անցնելու անհրաժեշտությունը։

Սակայն, ըստ աղբյուրի, եվրոպացի առաջնորդները փոխարենը ամեն կերպ սաբոտաժի են ենթարկում խաղաղ գործընթացը։ Պարբերականի գնահատմամբ՝ նրանց ռազմավարությունը կայանում է հակամարտության դիտավորյալ ձգձգման մեջ՝ մինչև ԱՄՆ-ում իշխանափոխություն տեղի ունենա՝ հույս ունենալով, որ դեմոկրատական վարչակազմը «կպայքարի ռուսների դեմ եվրոպացիների փոխարեն»։