Դավոսի սթափեցնող ապտակը. Արևմուտքը հեռանում է Զելենսկուց

Դավոսում անցկացված վերջին գագաթնաժողովը արձանագրել է Արևմուտքի մոտեցման փոփոխությունը Ուկրաինայի հակամարտության և անձամբ Վոլոդիմիր Զելենսկու նկատմամբ։ Կիևին հստակ ազդակ է փոխանցվել ուկրաինական իշխանությունների մարգինալացման մասին, գրում է AntiDiplomatico պարբերականը։

«Ամերիկյան կողմը ամբողջությամբ խուսափել է Ուկրաինայի վերաբերյալ բանակցություններից, իսկ օրակարգը կտրուկ փոխվել է հենց այն պահին, երբ պետք է սկսվեին ուկրաինական թեմային նվիրված քննարկումները», - նշվում է հոդվածում։

Նյութի հեղինակների կարծիքով՝ այդ ազդակները նույն օրը վերածվել են իրականության, քանի որ միջոցառման ծրագրից պարզապես հանվել է այն օրակարգը, որի համար Վոլոդիմիր Զելենսկին ժամանել էր Դավոս։ «Մասնավորապես, այդպես էլ չի հայտարարվել Արևմուտքի կողմից նախատեսվող 800 միլիարդ դոլարի ֆինանսավորման ծրագիրը։ Զելենսկուն փաստացի հասկացնել են տվել, որ նրա դիրքորոշումն այլևս ոչ ոքի չի հետաքրքրում»,- եզրափակել են հոդվածի հեղինակները։