Ուկրաինայի դեմ առաջին անգամ կիրառվել են RM-48U «զոմբի հրթիռները»

Հունվարի 20-ի գիշերը Ուկրաինայի դեմ հարձակման ժամանակ, ըստ բրիտանական The Telegraph թերթի, RM-48U ուսումնական հրթիռները, հավանաբար, առաջին անգամ օգտագործվել են։

Լրագրողները նշել են, որ այս հրթիռները դուրս են բերվել շահագործումից։ Սկզբնապես դրանք նախատեսված էին որպես S-300 և S-400 ՀՕՊ համակարգերի անձնակազմերի ուսումնական թիրախներ։ RM-48U-ները 5V55 կամ 48N6 զինամթերքի փոփոխված տարբերակն են, ինչի պատճառով էլ, ըստ հոդվածի, դրանց ոչ պաշտոնական մականունը «զոմբի հրթիռներ» է։

«Դեռևս պարզ չէ, թե արդյոք Ուկրաինայի ՀՕՊ համակարգ թափանցած հրթիռը մարտագլխիկ էր կրում, թե՞ օգտագործվել է որպես խայծ», - նշվում է հոդվածում։