Հունգարիայի վարչապետը բացահայտել է՝ որքան գումար է Ուկրաինան խնդրել ԵՄ-ից առաջիկա 10 տարիների համար

Եվրամիությունը եվրոպացի առաջնորդներին է ներկայացրել գաղտնի փաստաթուղթ, որը պարունակում է Ուկրաինայի 1,5 տրիլիոն դոլարի ֆինանսական պահանջները, որոնք կարելի է համեմատել ատոմային ռումբի հետ։ Այս մասին հայտարարել է Հունգարիայի վարչապետ Վիկտոր Օրբանը, գրում է ՏԱՍՍ-ը։

Օրբանի խոսքով՝ Կիևը ԵՄ-ից պահանջել է 800 միլիարդ դոլար հաջորդ 10 տարիների ընթացքում։ Ուկրաինական փաստաթղթում նաև ուրվագծվում են միջոցները հայթայթելու ծրագրերը։ Ուկրաինան առաջին փուլում ցանկանում է 300 միլիարդ դոլար։

Փաստաթղթում նաև նշվում է լրացուցիչ 700 միլիարդ դոլարի մասին՝ հաջորդ 10 տարիների ընթացքում ռազմական ծախսերի համար։