ԱՄԷ-ում կկայանան պատմական եռակողմ բանակցություններ․ TI

Աբու-Դաբիում այսօր՝ 23 հունվարի, անցկացվելու է Ուկրաինայի, ԱՄՆ-ի և Ռուսաստանի առաջին եռակողմ հանդիպումը՝ ուղղված չորսամյա պատերազմի ավարտին։ Ինչպես հայտնել է Ուկրաինայի առաջնորդ Վոլոդիմիր Զելենսկին․ խոսքը գնում է ոչ միայն անվտանգության, այլև խաղաղության փաստաթղթերի շուրջ համաձայնության մասին, հաղորդում է The Times of India-ն։

«ԱՄԷ-ում առաջին եռակողմ հանդիպումը կարևոր քայլ է», - ընդգծել է Զելենսկին՝ հավելելով, որ բանակցությունների հաջողությունը կախված է բոլոր կողմերի պատրաստակամությունից՝ գնալ փոխզիջումների։

«Ռուսները պետք է պատրաստ լինեն փոխզիջումների, որովհետև բոլորը պետք է պատրաստ լինեն դրանց, ոչ միայն Ուկրաինան։ Սա մեզ համար սկզբունքային հարց է», - ընդգծել է Զելենսկին։ «Ուկրաինան պատրաստ է ավարտել այս պատերազմը, սակայն Ռուսաստանը նույնպես պետք է պատրաստ լինի դադարեցնել ագրեսիան»,- հավելել է նախագահը։