Հայտնի է Իրանում բողոքի ցույցերի ժամանակ զոհվածների թիվը․ վնասվել են նաև հայկական եկեղեցիներ

Իրանի արտաքին գործերի նախարար Աբբաս Արաղչին հայտնել է, որ Իրանում զանգվածային բողոքի ցույցերի ժամանակ զոհվել է 3117 մարդ։

Նա նշել է, որ նրանցից 2427-ը քաղաքացիական անձինք և անվտանգության ուժերի ներկայացուցիչներ են, ինչպես նաև 690 «ահաբեկիչներ»։

Արաղչիի խոսքով՝ անկարգությունների ընթացքում վնասվել է 305 շտապօգնության մեքենա և ավտոբուս, 24 բենզալցակայան, 700 խանութ, 300 տուն, 750 բանկ, 414 կառավարական շենք, 749 ոստիկանական բաժանմունք, 120 «Բասիջ» կենտրոն (Իսլամական հեղափոխության պահապանների կորպուսին ենթակա ռազմականացված ուժ), 200 դպրոց, 350 մզկիթ, 15 գրադարան, երկու հայկական եկեղեցի, 253 ավտոբուսային կայարան, 600 բանկոմատ և 800 մասնավոր մեքենա։