Արևմուտքում հայտարարել են՝ Զելենսկին պատրաստ չէ տարածքային զիջումներ անել Ռուսաստանին

Չկա որևէ ցուցում, որ Ուկրաինայի նախագահ Վոլոդիմիր Զելենսկին պատրաստ է Աբու Դաբիում կայանալիք բանակցությունների ընթացքում Ռուսաստանին լայնածավալ տարածքային զիջումներ անել. քննարկումները «անխուսափելիորեն կհասնեն փակուղու», - Sky News-ին ասել է լրագրող և քաղաքական մեկնաբան Մարկ Գալեոտին։

«Չկա որևէ ցուցում, որ Զելենսկին կարող է կամ կանի այս լայնածավալ զիջումը ռուսներին, նույնիսկ եթե ամերիկացիները ցանկանում են դա։ Սա է խնդիրը», - ասել է Գալեոտին։

Նա հիշեցրել է ԱՄՆ նախագահ Դոնալդ Թրամփի այն հայտարարությունը, որ բոլոր հարցերի 90-95%-ը լուծված է՝ նշելով, որ «որոշ չափով դա ճիշտ է»։ Սակայն մնացած հարցերը «կարծես թե այնպիսին են, որ չեն կարող լուծվել երկու օրում», - կարծում է փորձագետը։