Հարձակում հարսանիքի ժամանակ.զոհվել է յոթ մարդ

Հյուսիսարևմտյան Պակիստանի Խայբեր Պախտունխվա նահանգի Դերա Իսմայիլ Խանի շրջանում ուրբաթ օրը իրականացված հարձակման հետևանքով առնվազն յոթ մարդ է զոհվել, գրում է AL- JAZEERA լրատվական կայքը:Հարձակումը տեղի է ունեցել այն շենքում, որտեղ հավաքվել էին խաղաղության կոմիտեի անդամները, հայտնում են տեղական ոստիկանությունից։

Կասկածները հիմնականում ընկնում են Պակիստանի Թալիբան (TTP) խմբավորման վրա, որը վերջին տարիներին բազմիցս հարձակումներ է իրականացրել երկրի տարբեր շրջաններում: Խմբավորումը խաղաղության կոմիտեի անդամներին անվանում է «խարդախներ» և նպատակ ունի փոխարինել Պակիստանի կառավարման համակարգը իրենց խիստ իսլամական օրենքներով։

Հարձակումը տեղի է ունեցել այն ժամանակ, երբ Պակիստանի բանակը պատրաստվում է սահմանային շրջաններում գործող զինված խմբավորումների դեմ գործողությունների։ Տասնյակ հազարավոր մարդիկ ստիպված են եղել լքել իրենց բնակավայրերը, չնայած ծանր ձմեռային պայմաններին։