ԵՄ–ում շարունակում են իրականացնել պատերազմը շարունակելու ռազմավարական ծրագիրը․ Նարիշկին

Եվրոպացի քաղաքական գործիչների հրապարակային հայտարարությունները Ռուսաստանին ռազմավարական պարտության հասցնելու անհրաժեշտության մասին «լռել են», սակայն դրա շուրջ քննարկումները շարունակվում են։ Այս մասին հայտարարել է ՌԴ Արտաքին հետախուզության ծառայության տնօրեն Սերգեյ Նարիշկինը ՌԻԱ Նովոստիին տված հարցազրույցում։

Նարիշկինի խոսքով՝ ՌԴ ԱՀԾ–ի ստացած տեղեկության համաձայն՝ «եվրոպական երկրների ամենառուսաֆոբ քաղաքական և ռազմական շրջանակները շարունակում են իրականացնել պատերազմը շարունակելու ռազմավարական ծրագիրը», ինչպես նաև պատժամիջոցները, քաղաքական և տեղեկատվական ճնշումը Ռուսաստանի վրա։