Բրազիլիայի նախկին նախագահի ավելի քան 70 կողմնակից է վիրավորվել կայծակի հարվածից

Բրազիլիայի մայրաքաղաքում կայծակի հարվածից տասնյակ մարդիկ են վիրավորվել բանտարկված նախկին նախագահ Ժաիր Բոլսոնարոյի աջակցության ցույցի ժամանակ։ Այս մասին հաղորդում է El Mundo-ն։

Արտակարգ իրավիճակների ծառայությունները հայտնել են 72 վիրավորի մասին։ Նրանց մեծ մասը բուժօգնության կարիք է ունեցել հիպոթերմիայի և կապտուկների պատճառով։ Կայծակի հարվածից հետո ցուցարարների շրջանում բռնկված խուճապը հանգեցրել է վնասվածքների։

«Կայծակը հարվածեց, և բոլորը ընկան գետնին։ Մենք չհասկացանք՝ ինչ էր պատահել, մինչև չհաջողվեց վեր կենալ և օգնել միմյանց. այնքան շատ մարդիկ էին վազում։ Հրշեջներն ու շտապօգնության մեքենաներն արդեն այնտեղ էին, բայց միևնույն ժամանակ չափազանց շատ մարդիկ կային», - ասել է ականատեսը։