Ռուս ուղղափառ եկեղեցում նշել են՝ ինչ պատճառով կարող են մերժել եկեղեցական պսակադրությունը
Ռուսաստան
Ռուս ուղղափառ եկեղեցում հնարավոր են պսակադրությունից հրաժարվելու դեպքեր՝ եթե ամուսինների միջև տարիքային տարբերությունը չափազանց մեծ է։ Այդ մասին «Աբզաց» պարբերականին հայտնել է ՌՊՑ քահանա Վլադիսլավ Բերեգովոյը։
Նրա խոսքով՝ եկեղեցական ավանդույթի համաձայն՝ եթե զույգի տարիքի տարբերությունը կազմում է 10–15 տարի, քահանան կարող է մերժել պսակադրության խորհուրդը։ «Սուրբ հայրերը, ովքեր անդրադարձել են այս թեմային, խորհուրդ են տալիս, որ տարիքային տարբերությունը չգերազանցի 10 տարին, առավելագույնը՝ 15», — նշել է Բերեգովոյը՝ ընդգծելով, որ հարցը գնահատվում է նաև հոգևոր տեսանկյունից։
Միևնույն ժամանակ քահանան հիշեցրել է, որ նման դեպքերում հնարավոր է տղամարդուն և կնոջը օրհնել առանց պսակադրության։ Նրա խոսքով՝ եթե փեսացուի և հարսնացուի մոտ կան կասկածներ, նրանք պետք է խորհրդակցեն իրենց հոգևորականի հետ։ Ավելի վաղ ՌՊՑ-ում նաև հնչել էին հայտարարություններ ընտանիքի ներսում անհավատարմության թեմայով՝ շեշտադրելով, որ որոշ դեպքերում լռությունն ավելի օգտակար կարող է լինել ընտանիքի պահպանման համար։
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
