Քաղաքական շրջադարձ Վենեսուելայում

Վենեսուելայի իշխանությունները ազատ են արձակել առնվազն 104 մարդու, որոնք ընդգրկված էին քաղաքական բանտարկյալների ցուցակում, հայտնում է Կարակասում գործող իրավապաշտպան կազմակերպությունը՝ Foro Penal-ը։ Կազմակերպության տվյալներով՝ ազատ արձակվածների թվում են իրենց գործընկերներից մեկը՝ իրավաբան և մարդու իրավունքների պաշտպան Քենեդի Տեջեդան, ինչպես նաև հաղորդակցության ֆակուլտետի ուսանող Խուան Ֆրանցիսկո Ալվարադոն։ Foro Penal-ը նշում է, որ ազատ արձակվածների թիվը դեռ վերջնական չէ և կարող է ավելանալ, գրում է AL-JAZEERA լրատվական կայքը:

Քենեդի Տեջեդան ձերբակալվել էր 2024 թվականի օգոստոսի 2-ին, երբ այցելել էր կալանավայր՝ այնտեղ պահվող քաղաքական բանտարկյալներին իրավաբանական աջակցություն ցուցաբերելու նպատակով։

Վենեսուելայի ժամանակավոր նախագահ Դելսի Ռոդրիգեսը հայտարարել է, որ քաղաքական բանտարկյալների ազատումը սկիզբ է դնում «նոր քաղաքական փուլին», որը պետք է ապահովի ավելի մեծ քաղաքական և գաղափարական բազմազանություն։ Իշխանությունների տվյալներով՝ վերջին շաբաթներին ազատ է արձակվել ավելի քան 600 մարդ, սակայն իրավապաշտպան կազմակերպությունները վիճարկում են այդ թվերը։ Foro Penal-ի հաշվարկներով՝ 2026 թվականի հունվարի 19-ի դրությամբ Վենեսուելայի բանտերում դեռ պահվում էր 777 քաղաքական բանտարկյալ։